پیالی میں طوفان (1) ۔ روزمرہ کی فزکس

-

 پیالی میں طوفان (1) ۔ روزمرہ کی فزکس

فزکس میں سائز اور وقت کا معکوس تناسب ہے۔ ایک جانب بہت چھوٹی چیزیں اور بہت چھوٹا وقت۔ یہ سب ایٹامک ذرات کی سٹڈی ہے۔ یہاں کوانٹم فزکس کے اصولوں کا راج ہے۔ سرن لیب اور اس طرح کی دوسری درجنوں مشہور تجربہ گاہیں اس پر کام کرتی ہیں۔ جبکہ اس کی دوسری انتہا پر کاسمولوجی ہے، جہاں وقت اور سائز کے سکیل بہت بڑے ہیں۔ یہاں جنرل تھیوری آف ریلیٹیویٹی سب سے اہم ہے۔ یہاں پر ہبل یا جیمز ویب ٹیلی سکوپ جیسے بڑے پراجیکٹ کام کرتے ہیں۔
فزکس کی دونوں انتہائیں بہت گلیمر رکھتی ہیں۔
ان دونوں کے بیچ میں magnitude کے 30 آرڈر ہیں۔ یہ بہت بڑا فاصلہ ہے اور بہت سی فزکس انہیں دو کے بیچ میں ہے۔ ہماری دنیا کے وہ مظاہر جن سے ہمارا روزمرہ کا واسطہ پڑتا ہے، یہیں پر ہیں۔ بلبلے، باجے، چائے کے داغ، دودھ کی ملائی، بادل، ہوائی چکی، آتش فشاں، سمندری طوفان جیسی چیزوں کے پیچھے کام کرتی فزکس یہاں پر ہے۔ اس میں نیوٹن کے حرکت کے قوانین، تھرموڈائنمکس، روٹیشنل ڈائنمکس، وسکوسٹی، سرفس ٹنشن جیسے فزکس کے پیٹرن مل کر کام کرتے ہیں۔
فزکس کی دونوں انتہائیں یعنی کاسمولوجی اور کوانٹم فزکس آسان اس لئے ہیں کہ یہاں پر قوانین بہت سادہ ہیں۔ درمیان والے حصے کی فزکس کے مسائل کی پیچیدگی ان بہت سے قوانین کا آپس میں مل کر عمل کرنا ہے اور اسی وجہ سے فزکس کے سب سے زیادہ غیر حل شدہ مسائل، فزکس میں ہونے والی سب سے زیادہ تحقیق اور اس کی سب سے زیادہ فنڈنگ اس درمیان والے حصے کے متعلق ہے۔ اگرچہ کہ یہاں کا گلیمر اتنا نہیں اور یہاں ہونے والی ریسرچ خبروں میں اتنی زیادہ نہیں آتی۔
۔۔۔۔۔۔۔۔۔۔
ہم کائنات کو اب تک جتنا سمجھے ہیں، اس سے یہ معلوم ہوتا ہے کہ فزکس کے قوانین جگہ اور وقت سے ماورا ہیں اور یکساں ہیں۔ چاہے اس زمین پر ہوں یا پھر اربوں نوری سال دور کسی کہکشاں میں۔ الہیثم یا نیوٹن کے صدیوں پرانے تجربات اور دریافتیں آج بھی بالکل ویسے ہی کام کرتے ہیں۔
لیکن کب، کہاں اور کس عمل میں کونسے قوانین زیادہ اہمیت رکھتے ہیں، اس کا تعلق وقت اور سائز کے ان ٹائم سکیلز اور زیرِ مطالعہ سسٹم کی اپنی خاصیت سے ہے۔
۔۔۔۔۔۔۔۔۔
یہ سیریز اس روزمرہ کی فزکس کے بارے میں ہے۔ جو چائے کی پیالی اور طوفان جیسی چیزوں کی وضاحت کرتی ہے۔
(جاری ہے)
تحریر: وہارا امباکر
اس سیریز کو اس کتاب سے لیا گیا ہے۔
Storm in a Teacup: The Physics of Everyday Life by Helen Czerski
May be an image of text that says "Size in metres 1020 1010 1 10 10-10 10-10 10- 1 1010 Time in in seconds 1020"

Comments

Post a Comment

Popular posts from this blog

دماغ کی صلاحیت – قسط: 01

-
  دماغ کی صلاحیت – قسط: 01 حصول علم اور تحصیلِ معلومات کے عام طور پر پانچ معروف ذرائع ہیں جنہیں حواس خمسہ بھی کہا جاتا ہے۔ ہم جو کچھ سیکھتے اور حاصل کرتے ہیں وہ ہمیں دیکھنے، سننے، چھونے، سونگھنے اور چکھنے سے حاصل ہوتا ہے۔ لیکن ان پانچ حسی خصوصیات کے علاوہ انسان کے پاس ایک اور حس بھی ہے جسے بالعموم چھٹی حس کہا جاتا ہے۔اس صلاحیت کو استعمال کرتے ہوئے انسان ایسے کام انجا م دے سکتا ہے جو ظاہری حواس سے ممکن نہیں ایسی صلاحیت کو ایکسٹرا سینسری پرسیپشن کہا جاتا ہے(Extra sensory perception) ایسا علم جو ظاہری حواس سے حاصل ہونا ممکن ناہو۔ اس کو اکثر چار اقسام میں تقسیم کیا جاتا ہے۔ 1 ٹیلی پیتھی۔ دوسرے شخص کے ساتھ ذہنی طور پر بات چیت کرنے کی صلاحیت یا کسی دوسرے کے دماغ میں اپنا پیغام پہنچانا 2باطنی نظر یا غیب بینی۔ ایسی خبر دینا جو ظاہری حواس سے حاصل کرنا ممکن نا ہو، ایسے واقعات یا اشیاء کو دیکھنے کی صلاحیت جو کسی بھی زرائع کے بغیر ممکن نا ہو 3 مستقبل کے واقعات کو دیکھنا۔ 4 سائکوکائنیسس سوچ کے ذریعے مادی اشیاء پر تصرف کرنا ان کو اپنی جگہ سے ہلانایا ان کی ہیت میں تبدیلی کرنا آج تک پوری طرح ی...
Read more

– فلسفہ کی تاریخ (History of Philosophy) – قسط: 01

-
Image
  – فلسفہ کی تاریخ (History of Philosophy) – قسط: 01 – فلسفہ فلسفہ (philosophy) دراصل یونانی زبان کا لفظ ہے جو دو الفاظ سے مل کر بنا ہے "philo" اور "sophia"۔ اس میں "philo" کا مطلب محبت اور "sophia" کا مطلب علم یا حکمت۔ یعنی فلسفے کا مطلب علم سے محبت۔ ظاہر ہے جو سماج علم سے پیار کرتا ہے وہ ترقی کرسکتا ہے اور جو سماج علم سے محبت نہیں کرتا وہ ترقی نہیں کرسکتا۔ فلسفہ درحقیقت تمام علوم کی ماں ہے، چاہے سیاست ہو، قانون ہو، سائنس ہو، ریاضی ہو، تاریخ ہو، غرض تمام علوم کی ماں فلسفہ ہے۔ – ہم فلسفہ کیوں پڑھتے ہیں ؟ نیوٹن نے ایک بار کہا تھا کہ اگر ایک شخص دیو کے کندھوں پر کھڑا ہو جائے تو وہ اُس دیو سے بھی دور دیکھ سکتا ہے۔ اگر ہم تاریخ کو پڑھے تو ہمیں یہ بخوبی معلوم ہوجائے گا کہ فلاسفرز میں ہر شعبے کے لوگ تھے۔ کچھ امیر تھے تو کچھ غریب، کچھ بادشاہ تو کچھ فقیر تھے، ان میں تھوڑے کچھ پاگل بھی تھے تو کچھ ڈاکٹر تھے لیکن بہت کم خواتین تھے جنہوں نے فلسفے میں حصہ لیا۔ – فلسفے کو پڑھنے کے تین طریقے 1) تھیمیٹیک سٹڈی (Thematic study) 2) میتھاڈالیجیکل سٹڈی (Methodolog...
Read more

دماغ کی صلاحیت – قسط: 02

-
  دماغ کی صلاحیت – قسط: 02   کیا شعور محض ایک فریب ہے؟ اور کیا انسانی دماغ محض ایک پیچیدہ مشین ہے؟ بی بی سی کے مطابق ادراکی سائنس دان ڈینیئل ڈینیٹ سمجھتے ہیں کہ ہمارا دماغ ایک ایسی مشین ہے جو اربوں چھوٹے چھوٹے 'روبوٹوں' یعنی عصبی خلیوں پر مشتمل ہے۔ تو کیا واقعی انسانی دماغ حقیقیت میں ایسا ہی ہے؟1965ء میں فلسفی ہوبرٹ ڈرائفس نے بیان دیا کہ انسان ہمیشہ کمپیوٹر کو شطرنج میں شکست دیتا رہے گا کیوں کہ انسان کے پاس وجدان کی صلاحیت ہے جس سے کمپیوٹر عاری ہے۔ ڈینیئل ڈینیٹ نے ان سے اختلاف کیا تھا۔چند برس کے اندر اندر ڈرائفس کو اس وقت خجالت کا سامنا کرنا پڑا جب انھیں ایک کمپیوٹر نے مات دے دی۔ پھر مئی 1997ء میں آئی بی ایم کے کمپیوٹر 'ڈیپ بلو' نے شطرنج کے عالمی چیمپیئن گیری کا سپاروف کو شکست دے کر دنیا کو چونکا دیا۔ ڈینیئل ڈینیٹ کا خیال ہے کہ ہمارا دماغ اربوں روبوٹوں پر مشتمل مشین ہے جو کیمیائی سگنلوں کی مدد سے کام کرتی ہے بہت سے لوگوں کا خیال تھا کہ یہ کوئی بڑی بات نہیں ہے کہ کیوں کہ شطرنج منطق کا کھیل ہے، اس میں وجدان کی ضرورت نہیں پڑتی۔ ڈینیئل ڈینیٹ ہمیشہ سے یہی کہتے چلے آئے ہیں ...
Read more