سفید ہاتھی بمقابلہ ریس کا گھوڑا!!

-

 سفید ہاتھی بمقابلہ ریس کا گھوڑا!!

تحریر: ڈاکٹر حفیظ الحسن
تحریر کا متن کچھ یوں ہونا چاہئے۔ سفید ہاتھی بمقابلہ ریس کا گھوڑا۔ خیر فیس بک پر دونوں ملکوں کی جانب سے ایک دوسرے کو خلا میں مقابلے کی بجائے "بیت الخلا" میں مقابلے کے طعنے دیے جاتے ہیں۔ جبکہ حالت یہ ہے کہ اس معاملے میں دونوں ملک سبقت لیے بیٹھے ہیں۔ البتہ بھارت کا خلائی پروگرام اس سب کے باوجود ہم سے کافی آگے ہے۔ اس لیے آئندہ بحث بیت الخلا کی بجائے خلا کی کیجائے تو شاید ہم میں بھی کچھ غیرت آئے۔
کہانی شروع ہوتی یے 1961 سے۔ جب پاکستان کی سپیس ایجنسی سپارکو کی داغ بیل ڈالی گئی۔ اسکے بانی فزکس کے نوبل انعام یافتہ ڈاکٹر عبدالسلام تھے ۔ سپارکو کا ہیڈکوارٹر کراچی میں تھا۔
اسکے مقابلے میں بھارت کی سپیس ایجنسی "آئی ایس آر آو"(ISRO) 1969 میں تشکیل پائی جسکا ہیڈکوارٹر بینگلور تھا۔
سپارکو نے اپنی بنیاد کے ایک سال بعد ہی یعنی 1962 میں ناسا کی مدد سےرہبر۔1 نامی راکٹ لانچ کا خلا میں کامیاب تجربہ کیا جس سے سپارکو جنوبی ایشیا کی سالڈ فیول راکٹ لانچ کرنے والی پہلی اور دنیا کی دسویں سپیس ایجنسی بن گئی۔ اسی کی دہائی میں سپارکو نے چائنہ کی مدد سے پاکستان کے دفاعی میزائل نظام حتف اور شاہین کا آغاز کیا۔اور سویلین مقاصد کے لئے تحقیق کم و بیش نام کی رہ گئی۔
سپارکو کے چند قابلِ ذکر سٹلائٹ جو چائنہ کی مدد سے خلا میں بھیجے گئے جن میں بدر 1, بدر بی، پاک سیٹ 1 اور ہھر 2018 میں PRSS-1 اور PakTES-1۔ یہ تمام۔سیٹلائٹس موسمیاتی یا کمیونکیشن سٹلائیثس تھے۔ سپارکو کا موجودہ بجٹ 45 ملین امریکی ڈالر ہے۔ یہ صاف لگتا ہے کہ پاکستان کا سپیس پروگرام 80 کی دہائی کے بعد سے زوال کا شکار ہے اور ہمارے ہاں سپیس پروگرام کو زیادہ توجہ نہیں دی جا رہی۔ ہماری ترجیحات مہذب دنیا کے لئے مذاق ہیں۔
اب نظر دوڑاتے ہیں بھارت کے ISRO پر۔ اسکا موجودہ بجٹ 1.8 بلین ڈالر ہے۔ یعنی سپارکو سے قریب یعنی 40 گنا زیادہ۔
بھارت نے اپنا پہلا سیٹلائٹ 1975 میں سویت یونین کی مدد سے خلا میں بھیجا۔ اسکے بعد پہلا کمیونیکیشن سٹلائٹ 1982 میں۔ اب تک ISRO ، ایک سو سے زائد خلائی مشنز پر کام کر چکا ہے۔ 79 کے قریب راکٹ لانچ اور چاند اور مریخ تک اپنے سپیس کرافٹ اور لینڈر بھیج چکا یے۔ ISRO کا سپیس لانچ کا نظام باقی ممالک کے راکٹ لانچ نظام سے کہیں سستا ہے۔
چند اہم مشنز میں Chandryan جو چاند پر بھیجا جانے والا پہلا بھارتی مشن تھا اور Mars Orbitar Mission شامل ہیں جو 2014 سے مریخ کے مدار میں گھوم رہا ہے۔
مستقبل قریب میں ISRO اس تگ و دو میں ہے کہ چاند اور مریخ پر اپنے Rovers اور Landers بھیجے اسکے علاوہ مختلف انسانی مشنز پر بھی کام جاری ہے۔
افسوس کہ ہم اپنی غلط پالیسیوں کیوجہ سے سپیس پروگرام میں کہیں پیچھے رہ گئے ہیں۔ حالانکہ دوڑ ہم نے پہلے لگائی تھی۔
ڈاکٹر_حفیظ_الحسن
No photo description available.

Comments

Post a Comment

Popular posts from this blog

دماغ کی صلاحیت – قسط: 01

-
  دماغ کی صلاحیت – قسط: 01 حصول علم اور تحصیلِ معلومات کے عام طور پر پانچ معروف ذرائع ہیں جنہیں حواس خمسہ بھی کہا جاتا ہے۔ ہم جو کچھ سیکھتے اور حاصل کرتے ہیں وہ ہمیں دیکھنے، سننے، چھونے، سونگھنے اور چکھنے سے حاصل ہوتا ہے۔ لیکن ان پانچ حسی خصوصیات کے علاوہ انسان کے پاس ایک اور حس بھی ہے جسے بالعموم چھٹی حس کہا جاتا ہے۔اس صلاحیت کو استعمال کرتے ہوئے انسان ایسے کام انجا م دے سکتا ہے جو ظاہری حواس سے ممکن نہیں ایسی صلاحیت کو ایکسٹرا سینسری پرسیپشن کہا جاتا ہے(Extra sensory perception) ایسا علم جو ظاہری حواس سے حاصل ہونا ممکن ناہو۔ اس کو اکثر چار اقسام میں تقسیم کیا جاتا ہے۔ 1 ٹیلی پیتھی۔ دوسرے شخص کے ساتھ ذہنی طور پر بات چیت کرنے کی صلاحیت یا کسی دوسرے کے دماغ میں اپنا پیغام پہنچانا 2باطنی نظر یا غیب بینی۔ ایسی خبر دینا جو ظاہری حواس سے حاصل کرنا ممکن نا ہو، ایسے واقعات یا اشیاء کو دیکھنے کی صلاحیت جو کسی بھی زرائع کے بغیر ممکن نا ہو 3 مستقبل کے واقعات کو دیکھنا۔ 4 سائکوکائنیسس سوچ کے ذریعے مادی اشیاء پر تصرف کرنا ان کو اپنی جگہ سے ہلانایا ان کی ہیت میں تبدیلی کرنا آج تک پوری طرح ی...
Read more

– فلسفہ کی تاریخ (History of Philosophy) – قسط: 01

-
Image
  – فلسفہ کی تاریخ (History of Philosophy) – قسط: 01 – فلسفہ فلسفہ (philosophy) دراصل یونانی زبان کا لفظ ہے جو دو الفاظ سے مل کر بنا ہے "philo" اور "sophia"۔ اس میں "philo" کا مطلب محبت اور "sophia" کا مطلب علم یا حکمت۔ یعنی فلسفے کا مطلب علم سے محبت۔ ظاہر ہے جو سماج علم سے پیار کرتا ہے وہ ترقی کرسکتا ہے اور جو سماج علم سے محبت نہیں کرتا وہ ترقی نہیں کرسکتا۔ فلسفہ درحقیقت تمام علوم کی ماں ہے، چاہے سیاست ہو، قانون ہو، سائنس ہو، ریاضی ہو، تاریخ ہو، غرض تمام علوم کی ماں فلسفہ ہے۔ – ہم فلسفہ کیوں پڑھتے ہیں ؟ نیوٹن نے ایک بار کہا تھا کہ اگر ایک شخص دیو کے کندھوں پر کھڑا ہو جائے تو وہ اُس دیو سے بھی دور دیکھ سکتا ہے۔ اگر ہم تاریخ کو پڑھے تو ہمیں یہ بخوبی معلوم ہوجائے گا کہ فلاسفرز میں ہر شعبے کے لوگ تھے۔ کچھ امیر تھے تو کچھ غریب، کچھ بادشاہ تو کچھ فقیر تھے، ان میں تھوڑے کچھ پاگل بھی تھے تو کچھ ڈاکٹر تھے لیکن بہت کم خواتین تھے جنہوں نے فلسفے میں حصہ لیا۔ – فلسفے کو پڑھنے کے تین طریقے 1) تھیمیٹیک سٹڈی (Thematic study) 2) میتھاڈالیجیکل سٹڈی (Methodolog...
Read more

دماغ کی صلاحیت – قسط: 02

-
  دماغ کی صلاحیت – قسط: 02   کیا شعور محض ایک فریب ہے؟ اور کیا انسانی دماغ محض ایک پیچیدہ مشین ہے؟ بی بی سی کے مطابق ادراکی سائنس دان ڈینیئل ڈینیٹ سمجھتے ہیں کہ ہمارا دماغ ایک ایسی مشین ہے جو اربوں چھوٹے چھوٹے 'روبوٹوں' یعنی عصبی خلیوں پر مشتمل ہے۔ تو کیا واقعی انسانی دماغ حقیقیت میں ایسا ہی ہے؟1965ء میں فلسفی ہوبرٹ ڈرائفس نے بیان دیا کہ انسان ہمیشہ کمپیوٹر کو شطرنج میں شکست دیتا رہے گا کیوں کہ انسان کے پاس وجدان کی صلاحیت ہے جس سے کمپیوٹر عاری ہے۔ ڈینیئل ڈینیٹ نے ان سے اختلاف کیا تھا۔چند برس کے اندر اندر ڈرائفس کو اس وقت خجالت کا سامنا کرنا پڑا جب انھیں ایک کمپیوٹر نے مات دے دی۔ پھر مئی 1997ء میں آئی بی ایم کے کمپیوٹر 'ڈیپ بلو' نے شطرنج کے عالمی چیمپیئن گیری کا سپاروف کو شکست دے کر دنیا کو چونکا دیا۔ ڈینیئل ڈینیٹ کا خیال ہے کہ ہمارا دماغ اربوں روبوٹوں پر مشتمل مشین ہے جو کیمیائی سگنلوں کی مدد سے کام کرتی ہے بہت سے لوگوں کا خیال تھا کہ یہ کوئی بڑی بات نہیں ہے کہ کیوں کہ شطرنج منطق کا کھیل ہے، اس میں وجدان کی ضرورت نہیں پڑتی۔ ڈینیئل ڈینیٹ ہمیشہ سے یہی کہتے چلے آئے ہیں ...
Read more