مریخ کے دو چاند!!

-

 مریخ کے دو چاند!!

تحریر: ڈاکٹر حفیظ الحسن
گو پاکستان میں ہر سال عید کے دو چاند دکھائی دیتے ہیں۔ لیکن مریخ کے واقعتاً دو چاند ہیں۔ بڑے بھائی فوبوس اور چھوٹے بھائی دیموس۔ انکے نام یونانی دیو مالائی داستانوں کے دو جڑواں بھائیوں سے لیے گئے ہیں جو جنگ کے دیوتا Ares کے بیٹے تھے۔
بڑے چاند فوبوس کا قطر تقریباً 22 کلومیٹر ہے جبکہ دیموس کا 12.5 کلومیٹر۔ انکے مقابلے میں زمین کے چاند کا قطر لگ بھگ 3474 کلومیٹر ہے۔
مریخ سے فوبوس کا فاصلہ 9377 کلومیٹر ہے اور یہ مریخ کے گرد قریب ساڑھے سات گھنٹے میں چکر لگاتا ہے۔
اسی طرح دیموس کا مریخ سے فاصلہ 23460 کلومیٹر ہے اور یہ مریخ کے گرد تقریباً تیس گھنٹے میں ایک چکر لگاتا ہے۔ بمقابل زمین کا چاند، زمین سے 3 لاکھ 84 ہزار کلومیٹر دور ہے۔
مریخ کا ایک دن 24 گھنٹے اور 37 منٹ کا ہوتا ہے۔ یوں یہ چاند آپکو مریخ پر ہر روز نظر آسکتے ہیں۔ فوبوس چونکہ مریخ کے انتہائی قریب ہے تو یہ مریخ کی سطح سے ہر جگہ نظر نہیں آتا۔
کچھ سائنسدانوں کا خیال ہے کہ یہ چاند دراصل ماضی کے دو بھٹکتے سیارچے تھے جو مریخ کی کشش ثقل کی رینج میں آ کر اسکے گرد گھومنے لگے جبکہ بعض کا خیال ہے کہ یہ مریخ پر کسی اور سیارچے یا سیارے کے ٹکرانے سے پیدا ہوئے۔
ان دونوں آرا میں سے کونسی ٹھیک ہے یہ جاننے کے لیے 2026 میں جاپان کی سپیس ایجنسی مریخ کے بڑے چاند فوبوس پر ایک روور بھیجے گا جو اس چاند کی سطح پر اُتر کر اسکے ساخت اور سطح کا جائزہ لے گا۔ اگر اسکی چٹانوں کی ساخت میں وہ عناصر اور کیمیکل پائے گئے جو مریخ پر پائے جاتے ہیں تو ہم جان جائیں گے کہ یہ چاند پہلے مریخ کا ہی حصہ تھے اور اگر نہیں تو دوسرا مفروضہ صحیح ثابت ہو گا کہ یہ دراصل سیارچے تھے جنہیں مریخ نے اپنی کششِ ثقل میں قید کر لیا۔
ڈاکٹر_حفیظ_الحسن
All reactions7

Comments

Post a Comment

Popular posts from this blog

دماغ کی صلاحیت – قسط: 01

-
  دماغ کی صلاحیت – قسط: 01 حصول علم اور تحصیلِ معلومات کے عام طور پر پانچ معروف ذرائع ہیں جنہیں حواس خمسہ بھی کہا جاتا ہے۔ ہم جو کچھ سیکھتے اور حاصل کرتے ہیں وہ ہمیں دیکھنے، سننے، چھونے، سونگھنے اور چکھنے سے حاصل ہوتا ہے۔ لیکن ان پانچ حسی خصوصیات کے علاوہ انسان کے پاس ایک اور حس بھی ہے جسے بالعموم چھٹی حس کہا جاتا ہے۔اس صلاحیت کو استعمال کرتے ہوئے انسان ایسے کام انجا م دے سکتا ہے جو ظاہری حواس سے ممکن نہیں ایسی صلاحیت کو ایکسٹرا سینسری پرسیپشن کہا جاتا ہے(Extra sensory perception) ایسا علم جو ظاہری حواس سے حاصل ہونا ممکن ناہو۔ اس کو اکثر چار اقسام میں تقسیم کیا جاتا ہے۔ 1 ٹیلی پیتھی۔ دوسرے شخص کے ساتھ ذہنی طور پر بات چیت کرنے کی صلاحیت یا کسی دوسرے کے دماغ میں اپنا پیغام پہنچانا 2باطنی نظر یا غیب بینی۔ ایسی خبر دینا جو ظاہری حواس سے حاصل کرنا ممکن نا ہو، ایسے واقعات یا اشیاء کو دیکھنے کی صلاحیت جو کسی بھی زرائع کے بغیر ممکن نا ہو 3 مستقبل کے واقعات کو دیکھنا۔ 4 سائکوکائنیسس سوچ کے ذریعے مادی اشیاء پر تصرف کرنا ان کو اپنی جگہ سے ہلانایا ان کی ہیت میں تبدیلی کرنا آج تک پوری طرح ی...
Read more

– فلسفہ کی تاریخ (History of Philosophy) – قسط: 01

-
Image
  – فلسفہ کی تاریخ (History of Philosophy) – قسط: 01 – فلسفہ فلسفہ (philosophy) دراصل یونانی زبان کا لفظ ہے جو دو الفاظ سے مل کر بنا ہے "philo" اور "sophia"۔ اس میں "philo" کا مطلب محبت اور "sophia" کا مطلب علم یا حکمت۔ یعنی فلسفے کا مطلب علم سے محبت۔ ظاہر ہے جو سماج علم سے پیار کرتا ہے وہ ترقی کرسکتا ہے اور جو سماج علم سے محبت نہیں کرتا وہ ترقی نہیں کرسکتا۔ فلسفہ درحقیقت تمام علوم کی ماں ہے، چاہے سیاست ہو، قانون ہو، سائنس ہو، ریاضی ہو، تاریخ ہو، غرض تمام علوم کی ماں فلسفہ ہے۔ – ہم فلسفہ کیوں پڑھتے ہیں ؟ نیوٹن نے ایک بار کہا تھا کہ اگر ایک شخص دیو کے کندھوں پر کھڑا ہو جائے تو وہ اُس دیو سے بھی دور دیکھ سکتا ہے۔ اگر ہم تاریخ کو پڑھے تو ہمیں یہ بخوبی معلوم ہوجائے گا کہ فلاسفرز میں ہر شعبے کے لوگ تھے۔ کچھ امیر تھے تو کچھ غریب، کچھ بادشاہ تو کچھ فقیر تھے، ان میں تھوڑے کچھ پاگل بھی تھے تو کچھ ڈاکٹر تھے لیکن بہت کم خواتین تھے جنہوں نے فلسفے میں حصہ لیا۔ – فلسفے کو پڑھنے کے تین طریقے 1) تھیمیٹیک سٹڈی (Thematic study) 2) میتھاڈالیجیکل سٹڈی (Methodolog...
Read more

دماغ کی صلاحیت – قسط: 02

-
  دماغ کی صلاحیت – قسط: 02   کیا شعور محض ایک فریب ہے؟ اور کیا انسانی دماغ محض ایک پیچیدہ مشین ہے؟ بی بی سی کے مطابق ادراکی سائنس دان ڈینیئل ڈینیٹ سمجھتے ہیں کہ ہمارا دماغ ایک ایسی مشین ہے جو اربوں چھوٹے چھوٹے 'روبوٹوں' یعنی عصبی خلیوں پر مشتمل ہے۔ تو کیا واقعی انسانی دماغ حقیقیت میں ایسا ہی ہے؟1965ء میں فلسفی ہوبرٹ ڈرائفس نے بیان دیا کہ انسان ہمیشہ کمپیوٹر کو شطرنج میں شکست دیتا رہے گا کیوں کہ انسان کے پاس وجدان کی صلاحیت ہے جس سے کمپیوٹر عاری ہے۔ ڈینیئل ڈینیٹ نے ان سے اختلاف کیا تھا۔چند برس کے اندر اندر ڈرائفس کو اس وقت خجالت کا سامنا کرنا پڑا جب انھیں ایک کمپیوٹر نے مات دے دی۔ پھر مئی 1997ء میں آئی بی ایم کے کمپیوٹر 'ڈیپ بلو' نے شطرنج کے عالمی چیمپیئن گیری کا سپاروف کو شکست دے کر دنیا کو چونکا دیا۔ ڈینیئل ڈینیٹ کا خیال ہے کہ ہمارا دماغ اربوں روبوٹوں پر مشتمل مشین ہے جو کیمیائی سگنلوں کی مدد سے کام کرتی ہے بہت سے لوگوں کا خیال تھا کہ یہ کوئی بڑی بات نہیں ہے کہ کیوں کہ شطرنج منطق کا کھیل ہے، اس میں وجدان کی ضرورت نہیں پڑتی۔ ڈینیئل ڈینیٹ ہمیشہ سے یہی کہتے چلے آئے ہیں ...
Read more